Sunday, January 2, 2011

സിങ്കപ്പൂര്‍ - മെര്‍ലയണ്‍ന്‍റെ നാട്...ഭാഗം 4

മുന്‍ഭാഗങ്ങള്‍ ഇവിടെ വായിക്കൂ.ഭാഗം 1, ഭാഗം 2, ഭാഗം 3 
മെര്‍ലയണ്‍ കണ്ടത്തിനു ശേഷം അവിടെ നിന്ന് മോണോ റെയിലില്‍ കയറി ഞങ്ങള്‍ യൂണിവേര്‍സല്‍ സ്റ്റുഡിയോയുടെ അടുത്തിറങ്ങി. അതിനടുത്തുതന്നെയായി പുതുതായി ഉദ്ഘാടനം ചെയ്ത കാസിനോ തലയുയര്‍ത്തി നില്‍ക്കുന്നു. ഒന്ന് കയറി കാണണം എന്ന് കരുതിയതാണ്. പിന്നെ വേണ്ടെന്നു വച്ചു. അതൊരു നഷ്ടമായിപോയി എന്നിപ്പോള്‍ തോന്നുന്നു.കാരണം ആ കാസിനോയെക്കുറിച്ചുള്ള കൂടുതല്‍ വിവരങ്ങള്‍ പിന്നീടാണ് അറിഞ്ഞത്. വിവരങ്ങള്‍ ഇവിടെ. പരിസരപ്രദേശങ്ങള്‍ ഒന്ന് നടന്ന് കണ്ട് ഞങ്ങള്‍ യൂണിവേര്‍സല്‍ സ്റ്റുഡിയോയുടെ വാതില്‍കലേക്ക് നീങ്ങി.
ടിക്കറ്റ്‌ വില ചോദിച്ചപ്പോള്‍ ഒന്ന് ഞെട്ടി. എല്ലാവര്‍ക്കും കൂടി അയ്യായിരത്തിലധികം രൂപ. ചോദിച്ചപ്പോള്‍ പറഞ്ഞു എല്ലാ റൈഡുകളും പ്രവര്‍ത്തന ക്ഷമമായിട്ടില്ല. അപ്പോള്‍ പിന്നെ ഇത്രയും കാശ് മുടക്കി പോവണോ വേണ്ടയോ എന്ന സംശയമായി. ഞങ്ങള്‍ അവിടെ എത്തിയപ്പോള്‍ നേരം ഉച്ചയായിരുന്നു. ടിക്കെറ്റ് കൌണ്ടറില്‍ ഇരുന്നയാള്‍ പറഞ്ഞു അഞ്ചുമണിവരെയാണ് പ്രവര്‍ത്തന സമയം. മുഴുവന്‍ കണ്ട് തീര്‍ക്കാന്‍ ഒരു പകല്‍ മുഴുവന്‍ വേണമെന്നും. അപ്പോള്‍ കാര്യമായി എന്തോ കാണാനുണ്ട്. അതുകൊണ്ട് കാശ് പോയാലും വേണ്ടില്ല, കയറാന്‍ തന്നെ തീരുമാനിച്ചു. തീരുമാനം നല്ലതായി എന്ന് തെളിയിക്കും വിധമായിരുന്നു  അതിനുള്ളിലെ കാഴ്ചകള്‍. അകത്ത് കടന്നതെ കുഞ്ഞുയാത്രികന് നല്ല സ്വീകരണം കിട്ടി.
കുഞ്ഞു യാത്രികന് കിട്ടിയ സ്വീകരണം  
മുന്നോട്ട് നീങ്ങിയപ്പോള്‍ ഇടത്തോട്ടു പോവണോ വലത്തോട്ടു പോവണോ എന്നതായി സംശയം. പിന്നെ ഇടത്തോട്ടു പോവാന്‍ തീരുമാനിച്ചു. ഹോളിവുഡിന്റെ മാസ്മരികലോകത്തില്‍  വിരിഞ്ഞ നിരവധി അനിമേഷന്‍ സിനിമകളിലെ കഥാപാത്രങ്ങള്‍ അവിടെ ജീവന്‍ വെച്ചുനടക്കുന്നു. അവയുടെ മനോഹര ശില്പങ്ങളും വഴികളിലുടനീളം.ഇടയ്കിടെ എത്തുന്ന കാര്‍ടൂണ്‍ കഥാപാത്രങ്ങളുടെ കൂടെ ഫോട്ടോ എടുക്കാനുള്ള കുട്ടികളുടെയും മുതിര്‍ന്നവരുടെയും തിരക്കാണ് എവിടെയും. 
മഡ ഗാസ്കറിലെ കൂട്ടുകാരോടൊപ്പം    
 ഇടവിട്ടുള്ള സമയങ്ങളില്‍ പലവിധ റൈഡുകളും പ്രദര്‍ശനങ്ങളും. മടഗാസ്കറിലെ കഥാപാത്രങ്ങളുടെ പുറത്ത് കയറിയുള്ള ഒരു ചെറിയ റൈഡിലാണ് ആദ്യം കയറിയത്. അത്ര വലിയ പ്രത്യേകതയൊന്നും അവകാശപ്പെടാനില്ലാത്ത ഒരു കുഞ്ഞു റൈഡ്. പക്ഷെ കുഞ്ഞു യാത്രികന്‍ കുറച്ചു നേരത്തേക്ക് സംശയത്തിലായിരുന്നു. ഏതു മൃഗത്തിന്റെ പുറത്താണ് കയറേണ്ടതെന്ന വലിയ സംശയമായിരുന്നു അവന്. അവസാനം അവന്‍ സിംഹത്തിനെ തെരഞ്ഞെടുത്തു. 
സിംഹപ്പുറത്ത്
 അവിടെനിന്നും  ഇറങ്ങിയ ഞങ്ങള്‍ 5D സിനിമ തുടങ്ങാറായി എന്ന് മനസ്സിലാക്കി  നേരെ അങ്ങോട്ട്‌ തിരിച്ചു. എന്തായിരിക്കും 5D എന്ന ആകാംഷയായിരുന്നു മനസ്സ് നിറയെ. മനോഹരമായ കാസില്‍ മാതൃകയിലുള്ള  കെട്ടിടത്തിലായിരുന്നു തീയേറ്റര്‍. 
തീയേറ്ററിന് മുന്നില്‍ 
 കുറച്ചേറെസമയം  കാത്തിരിക്കേണ്ടി വന്നു പ്രദര്‍ശനം തുടങ്ങാന്‍. "Shreck " ആയിരുന്നു സിനിമ. അകത്തുകയറും മുന്‍പ് കഥയുടെ ഔട്ട്‌ ലൈന്‍ വളരെ നാടകീയമായി തന്നെ വിശദീകരിച്ചു. കാരണം ഷ്രെക്കും കൂട്ടുകാരന്‍ കഴുതയും രാജകുമാരിയെ മോചിപ്പിക്കാന്‍ പോവുന്ന ഏകദേശം ഇരുപതുമിനുട്ടുള്ള ക്ലൈമാക്സ് ഭാഗം മാത്രമാണ് ഷോയില്‍ ഉണ്ടായിരുന്നത്. സിനിമതുടങ്ങിയത് മുതല്‍ തുടര്‍ച്ചയായ അത്ഭുതങ്ങള്‍. രംഗള്‍ക്കനുസൃതമായി ചുറ്റുപാടുകള്‍ പ്രതികരിക്കുന്നത് പോലെ. ഉദാഹരണമായി തേരില്‍ ഷ്രെക്ക് അതിവേഗം പായുമ്പോള്‍ നമ്മുടെ കസേരയും കുലുങ്ങും, തേര് കല്ലില്‍ കയറിയിറങ്ങി തെറിക്കുമ്പോള്‍ നമ്മുടെ കസേരയും അത്ര തന്നെ കണ്ട് കുലുങ്ങുകയും നമ്മളും തെറിച്ചുവീഴും എന്ന് തോന്നിപ്പിക്കയും ചെയ്യും. ചുരുക്കിപ്പറഞ്ഞാല്‍ തേരില്‍ ഇരിക്കുന്നത് നമ്മള്‍ തന്നെ എന്ന പോലെ. അതിലേറെ രസകരം കഴുത തുമ്മിയപ്പോള്‍ എല്ലാവരുടെയും ദേഹത്ത് വെള്ളം തെറിച്ചു. ദേഹത്ത് തുപ്പല്‍ വീണതുപോലെ എല്ലാവരും ആര്‍ത്തു. 3D ഇഫക്റ്റ്കളോടൊപ്പം ഇത്തരം ഇഫക്റ്റ്കളും കൂടി ചേര്‍ന്നപ്പോള്‍ 5D തികച്ചും വ്യത്യസ്ഥമായ ഒരനുഭവമായി. അങ്ങനെ രസകരമായ ഒത്തിരി മുഹൂര്‍ത്തങ്ങള്‍ നിറഞ്ഞ പ്രദര്‍ശനം വളരെ വേഗം തീര്‍ന്നതുപോലെ. ഇത്തിസമയം കൂടി ഉണ്ടായിരുന്നെകില്‍ എന്ന് വല്ലാതെ കൊതിച്ചു.
അതിനകത്തുതന്നെയുള്ള സുവനീര്‍ ഷോപ്പില്‍ അല്‍പസമയം ചിലവഴിച്ച്‌  ഞങ്ങള്‍ വേഗം ഇറങ്ങി.
 കളയാന്‍ അധികം സമയം ഇല്ല. തൊട്ടടുത്തുള്ള റോളര്‍ കോസ്റ്റര്‍  റൈഡിനുള്ള വരിയില്‍ ഞങ്ങളും ഊഴം കാത്തുനിന്നു. കുഞ്ഞു യാത്രികന്‍ ഭയം ഇക്കുറിയും മറച്ചുവച്ചില്ല. മാറാന്‍ വസ്ത്രങ്ങള്‍ ഇല്ലാത്തത് കാരണം വാട്ടര്‍ റൈഡുകള്‍ ഞങ്ങള്‍ ഒഴിവാക്കി.  കുഞ്ഞു യാത്രികന്റെ ഭയം മാറാന്‍ ഞാനും കുഞ്ഞുയാത്രികനും മറ്റൊരു കുഞ്ഞു റൈഡില്‍ കയറി. അതവനു രസിക്കയും ചെയ്തു. സത്യത്തില്‍ ഞങ്ങള്‍ ഒരോട്ടപ്രദക്ഷിണമാണ് നടത്തിക്കൊണ്ടിരുന്നത്. കറക്കങ്ങള്‍കിടയില്‍ ഞങ്ങള്‍ ഈജിപ്ഷ്യന്‍  മാതൃകയില്‍ നിര്‍മ്മിച്ച കെട്ടിടത്തിനരുകിലെത്തി.
ഈജിപ്ഷ്യന്‍  മാതൃകയിലെ കെട്ടിടങ്ങള്‍ 
 അവിടെ ഫറവോയുടെ വേഷം ധരിച്ച മസില്‍ പെരുപ്പിച്ച ഒന്നുരണ്ടു യുവാക്കള്‍ പോയ്കാലില്‍ നടക്കുന്നു. ആളുകള്‍ അവരുടെ കൂടെ ഫോട്ടോ എടുക്കാന്‍ തിരക്ക് കൂട്ടുന്നു.  കുഞ്ഞു യാത്രികനെന്തോ അവരെ അത്ര പിടിച്ചില്ല. അതുകൊണ്ട് ഫോട്ടോ എടുക്കാന്‍ സമ്മതിച്ചില്ല.  അടുത്തുതന്നെ "വാട്ടര്‍  വേള്‍ഡ്" എന്ന ഷോയുടെ വിവരം കണ്ട് അങ്ങോട്ട്‌ ചെന്നു. ഷോ തുടങ്ങാന്‍ അരമണിക്കൂര്‍ കൂടി സമയമുണ്ടത്രേ. അതിനിടയില്‍  ഈജിപ്ഷ്യന്‍ മാത്രികയിലുള്ള കെട്ടിടത്തില്‍ ഒരു റൈഡുണ്ടെന്നു മനസ്സിലാക്കിവന്നു യാത്രിക. "വാട്ടര്‍  വേള്‍ഡ്" ഷോ തുടങ്ങും മുമ്പ് അതില്‍ കൂടി കയറാം എന്ന് കരുതി അങ്ങോട്ടുചെന്നു. വാതില്‍കല്‍ നിന്ന സെക്യൂരിറ്റി പറഞ്ഞു കുട്ടികളെ കയറ്റില്ല, പിന്നെ കയ്യില്‍ സാധനങ്ങള്‍ ഒന്നും ഉണ്ടാവാന്‍ പാടില്ല. വല്ല കുഴപ്പക്കാരന്‍ റൈഡുമാണോ? ഞങ്ങള്‍ ആദ്യം ഒന്ന് സംശയിച്ചു. പിന്നെ എന്തായാലും മുടക്കുമുതല്‍ മുതലാക്കണ്ടേ എന്ന് കരുതി കയറാന്‍ തീരുമാനിച്ചു. ആദ്യം യാത്രിക പോവാന്‍ തീരുമാനിച്ചു. ഞാന്‍ ബാഗും സാധനങ്ങളുമായി വെളിയില്‍ കുഞ്ഞു യാത്രികന് കൂട്ടിരുന്നു. കുറെക്കഴിഞ്ഞു യാത്രിക അതാ വെളിയില്‍ വരുന്നു. മുഖമൊക്കെ ചുവന്നിട്ടുണ്ട്. ഒരു നിറഞ്ഞ വളിച്ച ചിരി മുഖത്തുണ്ട്‌. എങ്ങനെയുണ്ട് എന്ന് ചോദിച്ചപ്പോള്‍ ഒന്നും പറയാതെ തലയാട്ടി. പിന്നെ പറഞ്ഞു, അനുഭവിച്ചു തന്നെ അറിയണം എന്ന്. അങ്ങനെ എന്നെ തള്ളിവിട്ടു. ഞാന്‍ കെട്ടിടത്തിനകത്ത് കയറി പിന്നെ ഒരു ഇടനാഴിയിലേക്ക് പ്രവേശിച്ചു. "ഇത് വഴി" എന്ന് എഴുതിയിട്ടുള്ള ചൂണ്ടുപലക പിന്തുടര്‍ന്ന് ഞാന്‍ നടന്നു. ഇതെന്താ പ്രശ്നം? മറ്റാരും വരുന്നില്ലല്ലോ!. വഴി ചില മുറികളിലൂടെ പിന്നെയും മുന്നോട്ട്. പലയിടത്തും വെളിച്ചം തീരെ കുറവ്. ഒരു പഴയ കൊട്ടാരത്തിന്റെ അകത്തളങ്ങളിലൂടെ  നടക്കുന്ന പ്രതീതി. പലയിടത്തും പെട്ടികളും, കയറും, വീപ്പകളും മറ്റും ക്രമമില്ലാതെ കിടക്കുന്നു. അവയ്ക്കിടയിലൂടെ നടക്കുമ്പോള്‍ എന്തെങ്കിലും എന്‍റെ മുന്നിലേക്ക്‌ പെട്ടന്ന് വരും എന്ന് ഞാന്‍ പ്രതീക്ഷിച്ച്‌ കൊണ്ടിരുന്നു. അന്തരീക്ഷം കൂടുതല്‍ ഭയാനകമായി തോന്നി. എല്ലാത്തിലും ഉപരി ഞാന്‍ തനിച്ചാണെന്നുള്ള ബോധവും ഭയം കൂട്ടി.ഒരു പാട് ദൂരം നടന്നത് പോലെ.  ഞാന്‍ നടത്തം പതുക്കെയാക്കി. ഇത്തിരി സമയം കഴിഞ്ഞപ്പോള്‍ ബഹളം വെച്ചുകൊണ്ട് രണ്ടു പെണ്‍കുട്ടികള്‍ എത്തി. പിന്നെ ഞാന്‍ ധൈര്യവാനായി മുന്‍പില്‍ നടന്ന്‌ അവര്‍ക്ക് വഴികാട്ടിയായി. കുറച്ചുകൂടി നടന്നപ്പോള്‍ റൈഡുതുടങ്ങുന്ന ഇടത്തെത്തി. അവിടെയും വെളിച്ചം കൂടിയും കുറഞ്ഞുമുള്ള കളിതന്നെ.റൈഡിനു മുന്നേ തന്നെ നമ്മെ ഒന്ന് ഭയപ്പെടുത്തി പരുവത്തിലാക്കുക എന്നതായിരികണം നമ്മളെ ഇങ്ങനെ ഭീതിതമായ വഴികളിലൂടെ നടത്തിയതിനു പിന്നിലെ ലക്‌ഷ്യം. ഞാനും പെണ്‍കുട്ടികളും ഒരു സീറ്റില്‍ ഇടം പിടിച്ചു. ഞെട്ടിച്ചു കൊണ്ട് തുടങ്ങിയ ഒരു അതിവേഗ റൈഡായിരുന്നു അത്. ഇടയ്ക്കുള്ള ചെറിയ നിര്‍ത്തലുകളില്‍ സംഭവം വിവരിച്ചുതന്നു. "The Book Of Dead" തപ്പിപോകുന്നവരാണ് നമ്മള്‍. ബുക്ക്‌ നിങ്ങള്‍ക്ക് ഒരിക്കലും കിട്ടില്ല എന്ന് ഇടയ്ക്കിടെ ഓര്‍മ്മിപ്പിക്കുന്ന അദൃശ്യ ദുഷ്ടശക്തി. പൂര്‍ണ്ണമായും കൂരിരുട്ടിലൂടെ ആയിരുന്നു മുഴുവന്‍ റൈഡും. അതിവേഗത്തില്‍ പായുന്നതിനടയില്‍ അപ്രതീക്ഷിതമായ കീഴ്മേല്‍ മറിച്ചിലുകളും അഗാധതയിലെക്കുള്ള കൂപ്പുകുത്തലും ഒക്കെയായി ശരിക്കും ഒരു കിടിലന്‍ സംഭവം. ചിലയിടങ്ങളില്‍ ഞെട്ടിപ്പിക്കാനെത്തുന്ന ലേസര്‍ വെളിച്ചവും, തീ വെളിച്ചവുമാണ് ആകെയുള്ള പ്രകാശം. പൂര്‍ണ്ണമായും ഇരുട്ടിലായതുകൊണ്ട് ഉണ്ടാവുന്ന ഒരു അനിശ്ച്താവസ്ഥ റൈഡിലുടനീളം നമ്മുടെ ഹൃദയമിടിപ്പ്‌ കൂട്ടിനിര്‍ത്തും. യാത്രയിലുടനീളം നമ്മെ മുള്‍മുനയില്‍ നിര്‍ത്തിയ, എനിക്കേറെ ഇഷ്ടപ്പെട്ട  റൈഡായിരുന്നു അത്. പുറത്തിറങ്ങിയപ്പോഴേക്കും വാട്ടര്‍ വേള്‍ഡ് ഷോ തുടങ്ങാനുള്ള സമയമായി. ഞങ്ങള്‍ അങ്ങോട്ടേക്ക് വച്ചുപിടിച്ചു. വളരെ വലിയ ഒരു കുളത്തില്‍ "വാട്ടര്‍ വേള്‍ഡ്" സിനിമയക്ക്‌ സമാനമായ സെറ്റിട്ടിരിക്കുന്നു. ഓര്‍മ്മയില്ലേ വര്‍ഷങ്ങള്‍ക് മുന്‍പ് ഏറ്റവും ചിലെവേറിയ ചിത്രം എന്ന ലേബലില്‍ കെവിന്‍ കോസ്റ്റ്നര്‍ അഭിനയിച്ച ഹോളിവുഡ് ചലച്ചിത്രം? കുളത്തിന് അഭിമുഖമായി അര്‍ദ്ധവൃത്താകൃതിയില്‍ ഗാലറിയിലാണ് ഇരിപ്പിടം ഒരുക്കിയിരിക്കുന്നത്.
 ഞങ്ങള്‍ ഒരല്പം പിന്നിലായാണ് ഇരുന്നത്. അതെന്തായാലും നന്നായി എന്ന് തോന്നി. മുന്‍നിരയില്‍ ഇരുന്നവരെ മുഴുവന്‍ ഷോയിലെ കലാകാരന്മാര്‍ വെള്ളത്തില്‍ കുളിപ്പിച്ചു. പരിപാടി തുടങ്ങുന്നതിനു മുന്നോടിയായി കാലാകാരന്‍മാര്‍ നടത്തിയ കുസൃതിപ്രകടനങ്ങളുടെ ഭാഗമായി ബക്കറ്റില്‍ വെള്ളം കോരി ഒഴിച്ചും പൈപ്പിലൂടെ വെള്ളം ചീറ്റിച്ചും മുന്‍നിരക്കാരെ  അവര്‍ അക്ഷരാര്‍ത്ഥത്തില്‍  കുളിപ്പിക്ക തന്നെ ചെയ്തു. അതീവസാഹസികതയും മെയ് വഴക്കവും  ഒത്തുചേര്‍ന്ന പ്രകടനമായിരുന്നു അവരുടേത്. സ്മോകേര്‍സിന്റെ വാട്ടര്‍ ബൈക്കിലുള്ള വരവും പിന്നീടുള്ള സ്റ്റണ്ട് രംഗങ്ങളും അതി ഗംഭീരമായി.
 വാട്ടര്‍ ബൈക്കില്‍ അവര്‍ നടത്തിയ സാഹസിക പ്രകടനങ്ങളും, വെടികൊള്ളുംമ്പോള്‍ വളരെ ഉയരത്തില്‍ നിന്നുള്ള അവരുടെ വീഴ്ചയും അഗ്നി ജ്വാലകള്‍കിടയിലൂടുള്ള രക്ഷപ്പെടലുകളുമൊക്കെ അടങ്ങിയ ഏറെ ഉദ്വേകജനകമായ അവരുടെ പ്രകടനം ശ്വാസമടക്കിപ്പിടിച്ചാണ് വീക്ഷിച്ചത്‌.
 ഉയരത്തില്‍ നിന്നും താഴേക്കു വീഴുന്നവര്‍ 
പ്രകടനങ്ങള്‍കിടയില്‍ തകര്‍ന്ന വേലിക്കെട്ടിനിടയിലൂടെ പെട്ടന്ന് വെള്ളത്തിലേക്ക് പാറിവീണ ചെറുവിമാനം ഏവരെയും ഒന്ന് ഞെട്ടിച്ചു. ആദ്യാവസാനം നമ്മെ പിടിച്ചിരുത്തുന്ന ആ ഷോ കാഴ്ചവെച്ചത് ആസ്ത്രേലിയയില്‍ നിന്നുള്ള കലാകാരന്‍മാരായിരുന്നു.
 എല്ലാ ഷോകളും കാണാന്‍ ഞങ്ങള്‍ക്ക് പറ്റുന്നുണ്ടായിരുന്നില്ല. കാരണം എല്ലാവിടെയും ഷോ തുടങ്ങുന്നതിനനുസരിച്ചു എത്തുക അസാധ്യം. ഇപ്പോഴാണ് ടിക്കറ്റ്‌ കൌണ്ടറില്‍ ഇരുന്നയാള്‍ എല്ലാം കണ്ടുതീര്‍ക്കാന്‍ ഒരുപകല്‍ മുഴുവന്‍ വേണമെന്ന് പറഞ്ഞതിന്റെ പൊരുള്‍ ഞങ്ങള്‍ക്ക് മനസ്സിലായത്‌. ഇനി അധികം സമയമില്ല, അതാ അവിടെ മറ്റൊരു ഷോ തുടങ്ങാറായിരിക്കുന്നു. സ്റ്റീവന്‍ സ്പീല്‍ ബര്‍ഗ് സ്പോണ്‍സര്‍ ചെയ്യുന്ന ഒരു ഷോ. ഒരു സീന്‍ എങ്ങിനെ എടുക്കുന്നു എന്നതിന്റെ ടെക്നിക് വിശദീകരിക്കുന്നതായിരുന്നു ഷോ. ഞങ്ങള്‍ നിന്നിരുന്ന വലിയ മുറിയുടെ പിന്‍ഭിത്തി പെട്ടന്ന് ആര്‍ത്തലയ്ക്കുന്ന കടലായി മാറിയതും ആ മുറിയിലേക്ക് ഒരു വശത്തുനിന്നും ഒരുകപ്പല്‍ തന്നെ ഇടിച്ചുകയറിയതും, പിന്നീട് പെട്ടന്ന് തന്നെ എല്ലാം പഴയപടിയായതും ഏറെ കൌതുകകരമായി. ഹോളിവുഡ് സിനിമകളില്‍ നമ്മെ അത്ഭുത പരതന്ത്രരാക്കുന്ന ഗംഭീര ഷോട്ടുകള്‍ എങ്ങിനെ എടുക്കുന്നു എന്നത് വലിയ സ്ക്രീനില്‍ പ്രത്യക്ഷപ്പെടുന്ന സ്പീല്‍ ബര്‍ഗ് തന്നെ വിശദീകരിച്ചു തരുന്നു. വളരെ കുറച്ചു സമയം മാത്രമേ ഉള്ളുവെങ്കിലും ഏറെ അറിവുപകരുന്ന രസകരമായ ഒരു ഷോ തന്നെയായിരുന്നു അത്.   ഞങ്ങള്‍ തിരികെ പ്രവേശന  കവാടത്തിനരുകുലെത്തി. നേരത്തെ പറഞ്ഞുവല്ലോ ഞങ്ങള്‍ കയറി ഇടതു ഭാഗത്തോട്ടാണ് നടന്നതെന്ന്. അപ്പൊ ഇത്ര നേരമായിട്ടും ആ  ഭാഗത്തെ കാഴ്ച മാത്രമേ കണ്ടുള്ളൂ. വലതുഭാഗത്തുള്ള കാഴ്ചകള്‍ ഇനിയും ബാക്കിനില്കുന്നു. എന്തായാലും മുഴുവന്‍ കണ്ടുതീരില്ല എന്നുറപ്പാണ്. വലതുഭാഗത്തുള്ള വഴിയില്‍ ഒരു തിരക്കുകണ്ട് ഞങ്ങളും അങ്ങോട്ട്‌ നീങ്ങി. അവിടെ അതാ കുറച്ചു ചെറുപ്പക്കാര്‍ സ്ട്രീറ്റ് ഡാന്‍സ് സ്റ്റൈലിലുള്ള ഗംഭീര ഡാന്‍സ് പ്രകടനം കാഴ്ചവെക്കുന്നു. അക്രോബാറ്റിക്കും, കന്റെംപററിയും ഒക്കെ ഇടകലര്‍ന്ന മാസ്മരിക പ്രകടനം. എന്തൊരു മെയ് വഴക്കമാണവര്‍ക്ക്!. ഞങ്ങള്‍ മതിമറന്ന് നോക്കിനിന്നു.അതുതന്നെയായിരുന്നു ഞങ്ങളുടെ അവിടുത്തെ അവസാന കാഴ്ച. ഇനിയും ഒരിക്കല്‍ സിങ്കപൂരില്‍ വരികയാണെങ്കില്‍ തീര്‍ച്ചയായും ഒരുപകല്‍ മുഴുവനും യൂണിവേര്‍സല്‍ സ്റ്റുഡിയോയില്‍ ചിലവഴിക്കും എന്ന് മനസ്സില്‍ ഉറപ്പിച്ചുകൊണ്ട്‌ ഞങ്ങള്‍ അവിടെനിന്നും ഇറങ്ങി. ഇനി ഹോട്ടെലില്‍ പോയി സാധനങ്ങളുമെടുത്ത് എന്‍റെ സുഹൃത്ത് മധുവിന്റെ വീട്ടിലേക്ക്‌ പോവണം. ഇനിയുള്ള രണ്ടു ദിവസം സിങ്കപൂരിലെ താമസം അവന്‍റെ ചിലവില്‍.....
തുടരും..

35 comments:

ഒരു യാത്രികന്‍ said...

ഇതങ്ങനെ പെട്ടന്ന് തീരില്ല. മതിയാക്കി പോവരുതെ.....സസ്നേഹം

നിശാസുരഭി said...

കൊള്ളാമല്ലോ കാഴ്ചകള്‍!

പട്ടേപ്പാടം റാംജി said...

വിസ്മയിപ്പിക്കുന്ന അത്ഭുതകരമായ ആദ്യ കാഴ്ചകള്‍ നേരിട്ട് ആനുഭവിച്ചത് പോലെ തോന്നി. ഇതിലെ എല്ലാം എന്റെ പുതിയ അറിവുകളും അത്ഭുതവും ആയിരുന്നു. 5D സിനിമ മുതല്‍ ഓരോന്നും. വായിച്ചതില്‍ ഏറ്റവും ഇഷ്ടപ്പെട്ട യാത്രാവിവരണവും കാഴ്ചകളും സമ്മാനിച്ചതിന് നന്ദി.

MANIKANDAN [ മണികണ്ഠൻ ] said...

പുതിയ കുറെ അറിവുകൾ. 5ഡി സിനിമ എന്തെന്നറിഞ്ഞത് ഇപ്പോഴാണ്. കൂടുതൽ വിവരങ്ങൾക്കായി കാത്തിരിക്കുന്നു.

faisu madeena said...

ഞാന്‍ ആദ്യമായിട്ട ഇവിടെ ....വളരെ നല്ല യാത്രാ വിവരണം ....

പഴയ പോസ്റ്റുകള്‍ ഒക്കെ ഒന്ന് വായിക്കട്ടെ ....

മുരളീമുകുന്ദൻ ബിലാത്തിപട്ടണം BILATTHIPATTANAM. said...

5D ഇഫക്റ്റ് വായനക്കാർക്കുകൂടി കിട്ടുന്ന വിവരണം.ഞങ്ങൾ പാരീസിലെ ഡിസ്നി സ്റ്റുഡിയോയിലും ഇതനുഭവിച്ചതാണീയത്ഭുതം..!
പിന്നെ
വിനീതിനും കുടുംബത്തിനും അതിമനോഹരവും,
സന്തോഷപ്രദവുമായ പുതുവത്സര ആശംസകളും ഒപ്പം
ഐശ്വര്യപൂർണ്ണമായ നവവത്സര ഭാവുകങ്ങളും നേർന്നുകൊള്ളുന്നൂ....
സസ്നേഹം,

മുരളീമുകുന്ദൻ ബിലാത്തിപട്ടണം BILATTHIPATTANAM.

ഹാപ്പി ബാച്ചിലേഴ്സ് said...

5ഡി കേട്ടിരുന്നു. ഇവിടെ പിന്നേയും കേട്ടു. യാത്രാവിവരണം നന്നായിരിക്കുന്നു. മതിയാക്കി പോവില്ല (പോസ്റ്റുകൾ തമ്മിൽ വലിയ ഗ്യാപ്പില്ലാതിരുന്നാൽ മതി.) യാത്രികാ, ഇപ്പ്രാവശ്യം നാരങ്ങാവെള്ളം കുടിച്ചില്ല അല്ലിയൊ? ഹി ഹി. പുതുവത്സരാശംസകൾ

ഇസ്മായില്‍ കുറുമ്പടി (തണല്‍) said...

അടുത്ത കാലതെങ്ങാനും നമ്മുടെ നാട്ടില്‍ ഈ 5D വരുമോ? അതോ അവടെ തന്നെ പോയി കാണേണ്ടി വരുമോ?
നന്നായി അവതരിപ്പിച്ചു .
ആശംസകള്‍ .

കുഞ്ഞായി l kunjai said...

യൂണിവേര്‍സല്‍ സ്റ്റുഡിയോയിലെ വിശേഷങ്ങള്‍ നന്നായി പകര്‍ത്തിയിരിക്കുന്നു.5D യെക്കുറിച്ച് കേട്ടിട്ടുണ്ടെന്നല്ലാതെ ഇതുവരെ ആസ്വദിക്കാന്‍ പറ്റിയിട്ടില്ല. നല്ല വിവരണം

Manju Manoj said...

യാത്രികന്‍.... ഇത് തന്നെ ആണ് ജപ്പാനിലെ ഒസാക്കയിലുള്ള യുണിവേര്സല്‍ സ്റ്റുഡിയോയിലും ഉള്ളത്... കുറച്ചു കൂടി കൂടുതല്‍ ഉണ്ട്... സ്പൈഡര്‍ മാന്‍,JAWS, ഒക്കെ...5D സിനിമ Shrek തന്നെ ആയിരുന്നു ഞങ്ങള്‍ അവിടെ പോയപ്പ്പോഴും ഉണ്ടായിരുന്നത്... രസമാണ് അല്ലെ... കുട്ടികള്‍ക്ക് ഇഷ്ടാവും....അടുത്ത ഭാഗത്തിനായി കാത്തിരിക്കുന്നു.

krishnakumar513 said...

നന്നായി ഇഷ്ട്ടപ്പെട്ടു വിനീത് യൂണിവേഴ്ജ്സസല്‍ സ്റ്റുഡിയോ കാഴ്ചകള്‍.എനിക്കത് മിസ്സായതില്‍ ഇപ്പോള്‍ നഷ്ടബോധം തോന്നുന്നു!!!കുഞ്ഞു യാത്രികനു ആശംസകള്‍

ഒരു യാത്രികന്‍ said...

നിശാസുരഭി: നല്ല പേര്. ആദ്യ വരവിനു നന്ദി.

റാംജി: ഇഷ്ടപ്പെട്ടു എന്നറിഞ്ഞതില്‍ ഒരു പാട് സന്തോഷം.

മണി: ഇക്കുറി നേരത്തെ എത്തി :)..തിരുത്തോന്നും ഇല്ലേ മാഷേ?, ആ പരിപാടി നിര്‍ത്തല്ലേ..

ഫൈസു: ഇനി എന്നും വരണം..

ബിലാത്തി: നന്ദി ബിലാത്തി. എല്ലാ ആശംസകളും തിരിച്ചും..

ഹാപ്പി ബാച്ചി: നാരങ്ങവെള്ളം ഇല്ലാതെ എന്ത് ജീവിതം. എന്ത് ചെയ്യന്നാ ഗാപ്പ് കുറക്കാന്‍ പറ്റുന്നില്ല..

ഇസ്മു: വരുമെന്ന് പ്രതീക്ഷിക്കാം. ഒരു പാട് പാര്‍ക്കുകളൊക്കെ വരുന്നതല്ലേ...

കുഞ്ഞായി; ഇഷ്ടമായി എന്നറിഞ്ഞതില്‍ സന്തോഷം..

മഞ്ജു: നല്ല രസമല്ലേ സംഭവം??അതെ കുട്ടികള്ക് ഏറെ ഇഷ്ടമാവും..

കൃഷ്ണ: ഞാനും അത് മിസ്സ്‌ ചെയ്തേനെ.

വന്ന എല്ലാവര്‍ക്കും ഒരു പാട് നന്ദി......സസ്നേഹം

പ്രദീപ്‌ പേരശ്ശന്നൂര്‍ said...

well

പത്മചന്ദ്രന്‍ കൂടാളി (കോടാലി അല്ല ) said...

കാശ് ചെലവില്ലാതെ ഒരു സിങ്കപൂര്‍ യാത്ര തരായി
എന്തായാലും ഞാന്‍ നാലാളോട് സിങ്കപൂര്‍ പോയ പോലെ ബടായി ബിടാന്‍ പോവ്വാട്ടോ
ഈ ഫൈവ് ഡി ഒക്കെ ഒള്ളത് തന്നെയല്ലേ
അവസാനം ഞാന്‍ ആപ്പിലാവരുതല്ലോ ?

സാബിബാവ said...

നന്നായി അവതരിപ്പിച്ചു .
ആശംസകള്‍

ഒരു യാത്രികന്‍ said...

പ്രദീപ്‌: നന്ദി

പത്മചന്ദ്രന്‍: ധൈര്യമായിട്ട് അലക്കിക്കോ മാഷേ, ഞാന്‍ ഗ്യാരണ്ടീ..

സാബി ബാവ: ഈ വരവിനും കമന്റിനും നന്ദി..
സസ്നേഹം

jayarajmurukkumpuzha said...

hridayam niranja puthuvalsara aashamsakal...

ദിവാരേട്ടn said...

കുറച്ചു ദിവസമായി സമയക്കുറവു കാരണം ഈ വഴിക്ക് വരാറില്ല. ഇപ്പൊ, നാലും കൂടി ഒറ്റയടിക്ക് വായിച്ചു. നല്ല സുഖമുള്ള വായന.

ഗൗരിനാഥന്‍ said...

കുഞ്ഞു യാത്രികന്‍ ശരിക്കും ആര്‍മ്മാദിച്ച്കാണുമല്ലോ..കുറച്ച് കാലമായി ബ്ലൊഗു വഴി യാത്രകള്‍ തരമായിട്ട്..ഇതു ഒരു ഗംഭീര യാത്രായുമായി

jyo said...

interesting.കുഞ്ഞുയാത്രികന്‍ ശരിക്കും enjoyചെയ്ത് കാണും.വായിച്ചപ്പോള്‍ എനിക്കും ആശ തോന്നി.

സ്വപ്നസഖി said...

നാരങ്ങാവെള്ളം കുടിക്കാന്‍ വന്നതായിരുന്നു... :) വായിച്ചുതീര്‍ന്നതറിഞ്ഞില്ല. രസകരമായ വിവരണം. ഇന്നുമുതല്‍ ഞാനും കൂട്ട്. ഇനിയും വരാം.

siya said...

വരാന്‍ വൈകി ,എന്നും പോലെ നല്ല വിവരണം ..കൊച്ചു യാത്രികന്‍ ഇതൊക്കെ എന്നും ഓര്‍ത്തു വയ്ക്കാന്‍ പറ്റിയ കുറിപ്പുകള്‍ ,വളരെ നന്നായി !!വിനീത് ,എല്ലാവര്‍ക്കും എന്‍റെ പുതു വര്‍ഷ ആശംസകളും നേരുന്നു ........

AFRICAN MALLU said...

:-)... ഇപ്പൊ കണ്ടതെ ...ഉള്ളു എല്ലാം വായിക്കണം ...

jayarajmurukkumpuzha said...

nannayi ee kazhchakalellaam.... aashamsakal.......

ഒരു യാത്രികന്‍ said...

ഇവിടെ വരാതെ മെയിലില്‍ വന്ന ചില കമന്റുകള്‍ ചേര്‍ക്കുന്നു. ഇവടെ വരാത്തതിന്റെ കാരണം അറിയില്ല.

ഒരു യാത്രികന്‍ said...

ഹംസയുടെ കമന്റ്

റിയാസിന്‍റെ ബ്ലോഗിലെ നാരങ്ങാവെള്ളത്തെ കുറിച്ചുള്ള കമന്‍റ് കണ്ടപ്പോഴാ ഓടി വന്നത് .. വന്നത് നഷ്ടമായില്ല.. നല്ല പോസ്റ്റ്

ഒരു യാത്രികന്‍ said...

kARNOr(കാര്‍ന്നോര്)

നാരങ്ങാ വെള്ളം കുടിച്ചു കൊണ്ടേ ഇര്ന്നോളു.
ഇനി അടുത്തത് വൈകിക്കണ്ട

ഒരു യാത്രികന്‍ said...

റിയാസ് (മിഴിനീര്‍ത്തുള്ളി)

എന്റെ ബ്ലോഗിലെ കമന്റ്
വഴിയാണിവിടെ എത്തിയത്...
വരാന്‍ ഒരുപാടൊരുപാട് താമസിച്ചു...
അത് മോശമായി എന്ന് ഇവിടെ വന്നപ്പോ മനസിലായി...
അപ്പൊ യാത്രാ വിവരണം ഇങ്ങനേയും
എഴുതാം ല്ലേ...?
ഈ ബ്ലോഗ് ഞാന്‍ ആദ്യമേ കണ്ടിരുന്നെങ്കില്‍ ഇതിലും നന്നായി ഞാനും എഴുതുമായിരുന്നു.
(ഹും പിന്നെ...പിന്നെ...)
എന്തായാലും പഴയ പോസ്റ്റുകളൊക്കെയൊന്നു വായിക്കട്ടെ...
എന്നാപ്പിന്നെ ഞാനങ്ങോട്ട്.....

ഒരു യാത്രികന്‍ said...

റാണിപ്രിയ

കണ്ടു പഠിക്ക്‌ .... ഇങ്ങനെ വേണം യാത്രാവിവരണം ...
നന്നായി കേട്ടോ....

ഒരു യാത്രികന്‍ said...

ജയരാജ്: നന്ദി സുഹൃത്തെ

ദിവാരേട്ടന്‍: നല്ലവാക്കുകളക് ഒരു പാട് നന്ദി..

ഗൌരീനാഥന്‍: അതെ കുഞ്ഞു യാത്രികന്‍ നന്നായി ആസ്വദിച്ച്. നന്ദി.

ജ്യോ: മുടങ്ങാതെ വരുന്നു വല്ലോ. ഒരു പാട് സന്തോഷം

സ്വപ്ന സഖി: അപ്പൊ നാരങ്ങ വെള്ളം കുടിച്ചു. നന്ദി.

സിയാ: വൈകിയാലും വന്നല്ലോ. അത് മതി..

ആഫ്രിക്കന്‍ മല്ലു : ആദ്യമായിട്ടാനല്ലേ ? നന്ദി..ഇനിയും വരൂ..

ഹംസ: നന്ദി സുഹൃത്തെ

കാര്‍ന്നോരു: ഹി..ഹി...ഇല്ല വൈകില
റിയാസ്: നല്ലവാക്കുകള്‍ക് ഒരു പാട് നന്ദി. ഇനിയും വരണം

രാണിപ്രിയ: അതിത്തിരി അധികമായി പോയി..പുലികള്‍ ഒരു പാടുണ്ടിവിടെ. വളരെ സന്തോഷം...

സസ്നേഹം ....ഒരു യാത്രികന്‍

Captain Haddock said...

നല്ല വിവരണം. താങ്ക്സ് ട്ടാ.

Joy Palakkal ജോയ്‌ പാലക്കല്‍ said...

എല്ലാം ഒന്നിനൊന്നു മനോഹരം!!
ആശംസകളോടെ..
ഇനിയും തുടരുക..

ശ്രീ said...

വ്യത്യസ്തമായ കാഴ്ചകള്‍... വിവരണം നന്നായി മാഷേ.

(വൈകിയ പുതുവത്സരാശംസകള്‍)

ഒരു യാത്രികന്‍ said...

ക്യാപ്റ്റന്‍: വളരെ സന്തോഷം. നന്ദി

ജോയ്: നല്ലവാക്കുകള്‍ക് നന്ദി. തുടര്‍ന്നും വായിക്കൂ..

ശ്രീ : ആശംസകള്‍ക് നന്ദി.തിരിച്ചും ആശംസകള്‍.


സസ്നേഹം ഒരു യാത്രികന്‍

നിരക്ഷരൻ said...

സിങ്കപ്പൂരിലും പാരീസിലുമായി യൂണിവേർസൽ സ്റ്റുഡിയോയ്ക്ക് മുന്നിലൂടെ കടന്ന് പോയെങ്കിലും അകത്തേക്ക് ഇതുവരെ കയറിയില്ല. കാരണം സമയം തന്നെ. കണ്ടമാനം കാശ് കൊടുക്കണം, എന്നാലോ ഒരു ദിവസം കൊണ്ട് എല്ലാം കണ്ട് തീർക്കാനും ആവില്ല. എന്തായാലും കാണാൻ സാധിക്കാതെ പോയ അപല കാഴ്ചകളും വരികളിലൂടെ കാട്ടിത്തന്നതിന് നന്ദി. ഷെർക്ക് 5D സിനിമയ്ക്ക് പകരം ഞാൻ കണ്ടത് Honey I shrunk the kids ആണ്. ഉഗ്രൻ അനുഭവം തന്നെ ആയിരുന്നു.